Maxfiylik siyosati

Biz kimmiz

abTest — o'quv markazlar uchun test platformasi: boshqaruv paneli (center.abtest.uz), abTest mobil ilovasi va har bir markazning Telegram boti orqali ishlaydigan o'quvchi ilovasi. Ushbu siyosat shu xizmatlarning barchasiga tegishli.

Qanday ma'lumot to'playmiz

• Administrator va o'qituvchilar: ism, familiya, telefon raqami, parol (faqat shifrlangan ko'rinishda), o'quv markaz nomi; raqam Telegram orqali tasdiqlansa — Telegram chat identifikatori; Rash hisobi ulansa — uning identifikatori.
• O'quvchilar: ism, familiya, telefon raqami (ixtiyoriy), Telegram identifikatori va username, guruhlari, milliy sertifikat ma'lumotlari (markaz kiritsa), test javoblari, ballari va natijalari, Rash testlarida yuborilgan javob rasmlari.
• Skanerlangan javob varaqalarining rasmlari — javoblarni tanib olish uchun.
• To'lovlar: summa, holat va to'lov tizimi (Payme, Click). Karta ma'lumotlari bizga kelmaydi — ular to'lov tizimida qayta ishlanadi.
• Texnik ma'lumotlar: so'rov vaqti va xatolar jurnali — xizmat barqarorligi uchun.

Qurilma ruxsatlari (mobil ilova)

• Kamera — faqat javob varaqasini skanerlash uchun. Surat serverga javoblarni tanib olish uchun yuboriladi.
• Internet — server bilan ishlash uchun.
• Galereyadan rasm tanlash tizimning o'z oynasi orqali bo'ladi; ilova xotirangizni o'qimaydi. Mikrofon, joylashuv va kontaktlardan foydalanilmaydi.

Ma'lumotlar nima uchun ishlatiladi

• Hisobga kirish, rollar bo'yicha ruxsatlar va o'quv markaz ma'lumotlarini ajratib saqlash.
• Testlarni o'tkazish, ballarni hisoblash (shu jumladan Rasch modeli), reyting va PDF hisobotlar.
• O'quvchiga markaz boti orqali natija, e'lon va shikoyatga javob yuborish.
• Kredit hisobini yuritish va to'lovlarni tasdiqlash.

Kimga beriladi

• Har bir o'quv markaz faqat o'z ma'lumotlarini ko'radi; boshqa markazlar ularni ko'rmaydi.
• Telegram — markaz boti orqali xabar yuborish uchun; Payme va Click — to'lov uchun; Rash xizmati (rashmodel.uz) — Rash testlarini hisoblash uchun.
• Ma'lumotlarni sotmaymiz va reklama uchun uchinchi shaxslarga bermaymiz. Qonun talab qilgan hollar bundan mustasno.

Saqlash muddati va o'chirish

• Skanerlangan varaq rasmlari serverda 7 kun saqlanadi va keyin avtomatik o'chiriladi; tanib olingan javoblar va ballar saqlanib qoladi.
• Hisobni ilovada (Ko'proq → Profil → «Hisobni o'chirish») yoki panelda o'zingiz o'chira olasiz. O'chirilgan hisobga kirib bo'lmaydi, Telegram va Rash bog'lanishlari uziladi; markazning yagona administratori o'chirsa, markaz ham yopiladi.
• Test natijalari markaz hisobotlarida qolishi mumkin. Ma'lumotlaringizni to'liq o'chirishni xohlasangiz, quyidagi kontaktlar orqali yozing — so'rov 30 kun ichida bajariladi.

Xavfsizlik

Barcha ulanishlar HTTPS orqali shifrlanadi, parollar faqat xesh ko'rinishida saqlanadi, kirish token va rollar bilan cheklanadi.

Bolalar ma'lumotlari

O'quvchilar orasida voyaga yetmaganlar bo'lishi mumkin. Ularning ma'lumotlarini o'quv markaz kiritadi va ota-onalar roziligi uchun markaz javobgar. Ota-ona farzandining ma'lumotlarini o'chirishni markaz yoki biz orqali so'rashi mumkin.

O'zgarishlar

Siyosat yangilansa, shu sahifada sana bilan e'lon qilinadi.